الثلاثاء 14/مايو/2024 - 11:22 ص

كشف محامي ضحية عصام صاصا مفاجأة بشأن أزمة مغني المهرجانات الشهير، حيث أشار إلى أن أسرة الضحية في البداية كانت ترفض التعويض من الفنان، ولكنها ستطالب بـ الدية الشرعية من أجل الصلح.

وقال محامي ضحية عصام صاصا في تصريحاته لـ القاهرة 24: زوجة صاصا ضرته أكثر بتصريحها لما قالت بنتساوم بملايين علشان فنان، دا ادعاء ويعرضك للمساءلة القانونية، وفي مكالمة جمعتني بـ عصام وقلت له خد بالك عندك جناية مخدرات، قالي والله العظيم مش فارق معايا حتى لو اتحبست، كل اللي فارق معايا الناس دي، لأن والدي توفى وأنا عندي 9 شهور وحاسس بيهم، ومن يومها وأنا مبنامش.

تصريحات محامي ضحية عصام صاصا

وتابع محامي الضحية: أهالي المتوفى حتى هذه اللحظة رافضين الصلح، لكن إحنا بندافع عن حق الأيتام، وفي النهاية إحنا مش عايزين فلوس، لكن هنطالب بـ الدية الشرعية، وتصريحات الشاهد اللي طلعت في الساعات الأخيرة دي مكانها النيابة لو هو فعلًا شاهد حقيقي.

وبالأمس، نشرت زوجة صاصا محادثة لـ شخص ادعت أنه شاهد على حادث عصام صاصا، حيث جاءت تصريحاته كالتالي: أنا صاحب العربية الجيلي اللي كانت جنب عصام، وأقسم بالله يا ابن الحلال ما خبطوا جنب الرصيف زي ما بيقولوا، خبطوا في الحارة التانية أو التالتة وكل فضل يقول إنها كانت الساعة 7 الصبح وفي النور، الكلام ده كان الساعة 5 وكسور في عز الضلمة.