شيرين عبد الوهاب: أخويا باعني وكلام حسام حبيب صح - بوراق نيوز

السبت 22/يونيو/2024 - 11:06 م

علقت الفنانة شيرين عبد الوهاب، على التسجيلات الصوتية المسربة من قبل طليقها حسام حبيب، مؤكدة أن ما قاله صحيح وموجهة الشكر له لدفاعه عنها.

شيرين عبد الوهاب: أخويا باعني وكلام حسام حبيب صح 

وقالت شيرين في تسجيل صوتي لـ القاهرة 24: فوجئت باللي حصل على السوشيال ميديا بين محمد عبد الوهاب وحسام حبيب، وحبيت آكد إن كلام حسام مظبوط وفعلًا أخويا باعني والتصريح اللي نزل من محامي محمد شاعر مستولي على السوشيال ميديا بتاعتي بتوكيل كنت عملته ليه، خليته يحصل على السوشيال ميديا بتاعتي وموقعين بتاريخ قديم.

أزمة شيرين عبد الوهاب

وأضافت: كل الكلام مظبوط مش بحب أتكلم عن المشاكل الشخصية بتاعتي، علشان محدش يقول مش ورانا غير شيرين ومشاكل شيرين، لكن لازم تعرفوا إن فيه أغاني حلوة جدا مع توما عملها وعزيز الشافعي لكن فيه حاجات بتخلص علشان فيه مشاكل مع الشركة، لأن فيه حد قاصد يقعدني في البيت، والأغاني هتنزل ومش عاوزاكم تصدقوا أي حاجة من محمد عبد الوهاب، ولما الأغاني تنزل هتعجبكم.

وتابعت موجهة الشكر لحسام حبيب: مشكور إنه بيرد بالنيابة عن أهلي.