حرمنا من وردتنا كان بيودعنا قبل ما يموت.. انهيار أسرة صغير شبرا بعد تأجيل محاكمة المتهمين| بث مباشر - بوراق نيوز

أجلت محكمة جنايات شبرا الخيمة، اليوم الثلاثاء، أولى جلسات محاكمة المتهمين بقتل الصغير أحمد محمد، المعروف إعلاميًا بصغير شبرا الخيمة، وذلك لسرقة أعضائه وبيعها على مواقع الـ دارك ويب، وذلك لحين سماع الخبير الاجتماعي.

انهيار أسرة أحمد صغير شبرا الخيمة

وانهارت والدة الشاب أحمد ضحية واقعة الدارك ويب، بعد تأجيل أولى جلسات محاكمة المتهمين بإنهاء حياة نجلها: أنا منهارة ونفسيتي تعبت تعبت نفسيا.. وعايزاهم ياخدوا إعدام الاتنين ياخدوا إعدام.. ده ابني كان متقطع بهدلوه وموتوه.. وش أبني كان متقطع ومنظره صعب منظر ميقدرش حد يشوفه.

وأردفت والدة الضحية: أنا احتسبت أحمد عند الله.. وبقوله نام يا أحمد حقك هيرجع.. الحق عند ربنا عادل وحقه هيرجع أنا عارفة أن حقه هيرجع.

ومن جانبها قالت شقيقه أحمد الضحية: نام وأرتاح يا أحمد أحنا هنجيب حقك.. وأنا هجيلك.. أنا نفسي أموت وأروح لأحمد أحنا قاعدين وسط ناس شبه الديابة بياكلوا في بعض ومبيحبوش الخير لبعض.

وأضافت شقيقة أحمد: كنت شايفة المتهمين النهاردة في قفص الاتهام ببصلهم ونفسي أقولهم أنتو مش بني أدمين وحسبي الله ونعم الوكيل فيكم حرمتونا من وردتنا أحمد كان وردتنا وكنا مبسوطين بيه.. بعد جريمة أخويا كانوا مخططين يعملوا الجريمة دي في ولد تاني.

ونوهت شقيقة المجني عليه، أن شقيقها ودعهم قبل ذهابه للمتهم وكأنه كان يشعر بأنه أخر لقاء له بأسرته، قائلة: كان بيبص لبابا جامد وكان بيبوس أيد ماما وكان بيحبني.. وقبل ما يموت كان نفسه في رز وفراخ وهو اللي طلبهم.