عزيزي الزائر أهلا وسهلا بك في موقع بوراق نيوز نقدم لكم اليوم ياسمين عز عن أزمة عواطف حلمي: بقينا متوحشين ومحتاجين نربي نفسنا.. وربنا يحفظنا من الجيل الجديد - بوراق نيوز
الخميس 04/يوليو/2024 - 08:17 م
عبرت الإعلامية ياسمين عز عن استيائها من التعليقات المسيئة التي وجهت إلى الفنان خالد النبوي ونجله الفنان نور النبوي، بعد شائعات إقامة الفنانة عواطف حلمي في دار مسنين بنقابة المهن التمثيلية، حيث وجه لهم البعض هجومًا لتركها في دار مسنين، لصلة القرابة إذ أنها جدة الفنان نور النبوي وحماة خالد النبوي.
وقالت ياسمين عز، في برنامجها كلام الناس: عواطف حلمي جدة الفنان نور النبوي وحماة النجم خالد النبوي، لقينا أخبار بالكذب لدخولها دار المسنين تبع نقابة المهن التمثيلية، وخد بقى عندك كم هجوم ولا كأنهم ولاد خالتها وولاد عمتها وداخلين يهاجموا عمياني، وداخلين ينظروا على نور النبوي والنجم خالد النبوي، اللي الحقيقة عمرنا ما سمعنا منه العبيبة ولا طلع منه العيبة ولا اتدخل في حياة حد، ولا زعلكم ولا عمل حاجة مسيئة.
ياسمين عز: أنا بربي نفسي يكون عندي أخلاق ومبادئ
وأضافت ياسمين عز: لما قلت لكم قبل كده إنكم قلابين كنتم بتزعلوا، ومش هقول إحنا لأني مش كده وفي ناس بتربي نفسها طول الوقت زي وزي ناس تانية، أن يكون عندها شوية أخلاق ومبادئ ما روحوش وسط اللي إحنا فيه.
وواصلت: الناس بتتوحش وبتنظر وشتيمة وقلة أدب، وهي قاعدة في البيت مستخبية ورا الشاشة وحاطة صورة الليل الحزين وقاعدة تشتم ليه يا جماعة؟ ليه بتحرموا الناس يعملوا معروف، الست رايحة تزور صديقتها أو زملائها زي ما أنا وأنتِ وغيرنا بيعمل خير ويعمل اللي هو عاوزه، أنت مالك ما يروح المكان اللي هو عاوزه، ولا كتب عليهم علشان فنانين نستبيح حياتهم الشخصية وننظر.
واستكملت ياسمين عز: أنت اللي قاعد وبتكتب أول واحد، لو والدتك كبرت ومش طايقها هتحطها في دار مسنين، هو أنت دخلت بيتهم هو إيه قلة التهذيب دي، ومش شكل الناس عندها برود إنها تتجاوز ده، ولا كل الناس ممكن عليك.
ياسمين عز: أنا مش جيل خمسين سنة أنا شابة صغيرة
وأردفت: عواطف حلمي سيدة كبيرة محترمة، زمان كنا بناخد درس احترام الكبير والعطف على الصغير، والله العظيم أنا مش جيل خمسين سنة أنا شابة صغيرة جيل شباب المستقبل الورد المفحفح، وبقول لكم ده اتعلمته زمان، أمال اللي في سن عواطف يقولوا إيه عليكم؟ أنا بقول على الجيل ده ربنا يحفظنا منه.
واستكملت: كنا نبص لجدة زملائنا عنينا في الأرض ونقول شكرا يا طنط وحاضر ونعم والواحد مكسوف ووشه أحمر، ليه بتشتموا وبأي صفة وإيه علاقة نور بالموضوع، هل هذه السيدة ما تقدرش تجيب شقة في أحسن مكان، لكن هما بيحبوا يعيشوا في بيوتهم القديمة؟
ياسمين عز: محتاجين كل حد يربي نفسه
ووجهت ياسمين عز سؤالًا لجمهورها قائلة: عاوزة بني آدم أو فنان أو شخصية عامة أنتم ما قلبتوش عليه، حتى لو في حاله تطلعه إشاعة أنه مات، إحنا توحشنا ومحتاجين كل حد يربي نفسه، وقبل ما أكون مذيعة أو مشهورة، عمري ما سمحت لنفسي أدخل أكتب تعليق لحد مسيء سواء فلان أتجوز أو طلق، أنا ماليش دعوة، فيا ريت نتعلم من بعض ونربي نفسنا، ولو العيال الصغيرة ما اتربتش نجيب ليهم حد يربيهم، لأني أنا مستفزة من 3 أيام.
