عزيزي الزائر أهلا وسهلا بك في موقع بوراق نيوز نقدم لكم اليوم علاء مرسي لـ ياسمين عز: مؤمن بقضيتك ودفاعك عنها.. وإنتي بترجعي البيت المصري من جديد - بوراق نيوز
الخميس 04/يوليو/2024 - 09:36 م
استضافت الإعلامية ياسمين عز، الفنان علاء مرسي في برنامجها كلام الناس على شاشة قناة mbc مصر، وعبر الأخير عن سعادته الشديدة بهذا اللقاء، مؤكدًا أنه من مؤيدي ياسمين عز.
وقال علاء مرسي: كانت أمنيتي إني أقابلك وأطلع معاكي لأني أنا من الفانز بتوعك ومؤمن بقضيتك ودفاعك عنها وإيمانك بيها وأصبحت من الناس اللي بيتمنوا اللقاء ده.
وأضاف علاء مرسي: أنا تربيت في بيت سوي وطبيعي والرجل رجل والست ست، ولا ينقص هذا الوضع من قدر المرأة في شيء، المرأة دي هي والدتي وبنتي وأختي وصديقتي وخالتي وشيء عظيم جدا وفوق الرأس، والله سبحانه وتعالى كرمها وأعطاها جميع الحقوق وزيادة.
وأكمل علاء مرسي: لما يطلع بشر ويقول من أيام قاسم أمين أنه سافر سنين طويلة علشان يرجع يقول عاوز أجبب حقوق المرأة، في حين زميل له اخترع النووي، يبقى مين فيهم أفاد البشرية، لكنه كده هو أفادني بشعارات خربت بيوت وعملت تمرد في البيت.
وواصل علاء مرسي: أنا أتربيت إني أمي ست بسيطة، وأبويا رجل البيت وسيد البيت، ولما يدخل البيت أمي تقولنا اسكتوا بابا نايم ومحدش يعمل دوشة، ومحدش يمد إيده في الطبق إلا بابا الأول، هل كان فيه قهر أو ديكتاتورية؟ بالعكس كان هيبة للبيت وكرامة وعز، لما سألوني قلت إني متضامن معاكي ولما حصل مقارنة مع حد تاني قلت إني ضد الحد التاني، ومن غير ما أقابلك ولا بجاملك، لكني حسيت إنك بتدافعي عن قضية المرأة قبل الرجل، أنتي لما بتقولي هذه الحقوق، إنتي بترجعي البيت المصري تاني علشان يتظبط العلاقة بين الرجل والمرأة والاحترام المتبادل، ووجود كل واحد في مكانه، وأنا مؤمن أن وجود الرجل في وضعه كسيد ورب البيت.
وعلى جانب آخر تحدث علاء مرسي عن سبب حب شريهان له قائلًا: هذه العظيمة أول نجمة اتعامل معاها في بداية حياتي الفنية.. هي فنانة شاملة.. يعنيني أنها إنسانة حنونة بشكل غير عادي وذكية وبتحس بالآخر بمجرد ما عينها تبص عليه، وكانت تهتم بتفاصيل البشر وهي بتدرب على الاستعراض رغم أنها تعبانة ومرهقة ومش نايمة بتبص على الواد بتاع البوفيه وتاخد بالها منه، وأنا كنت بديها طاقة الحب دي بعيني اللي بتقولها بحبك وسلوكي وجسمي نفسه بيتحرك لها، ووقفت جنبي أنا وهنيدي وعهدي صادق واستماتت أننا نكون أبطال قصادها، وكانت حنونة وفي يوم قالت بتروحوا إزاي قلنا بنروح بعربية هنيدي اللي بتعطل بينا، قالت لا نجيب ليكم عربية.
