عزيزي الزائر أهلا وسهلا بك في موقع بوراق نيوز نقدم لكم اليوم شقيقة فتاة التجمع ضحية سائق أوبر: راجل كلمني بيقولي لقينا أختك ملفوفة في بطانية بالصحراء| خاص - بوراق نيوز
الجمعة 05/يوليو/2024 - 10:52 ص
يستكمل القاهرة 24 نشر نص التحقيقات في قضية فتاة التجمع، والمدعوة نبيلة عواد، ضحية سائق أوبر المتهم باختطافها، والتعدي الجنسي عليها، وتهديدها بالقتل، وإصابتها في يدها بأداة حادة خلال استقلالها السيارة معه، لتوصيلها من منطقة التجمع الخامس للشيخ زايد.
نص تحقيقات قضية فتاة التجمع ضحية سائق أوبر
واستدعى رجال التحقيق بنيابة مدينة نصر، سالي عوض شقيقة نبيلة عوض المعروفة إعلاميًا بـ فتاة التجمع الخامس ضحية سائق أوبر، وإلى نص التحقيقات:
س: ما معلوماتك بشأن الواقعة محل التحقيق؟
ج: اللي حصل إننا قاعدين في البيت في التجمع وكان عند نبيلة عوض أختي فرح في الشيخ زايد فأختي نبيلة طلبت منى إني أطلبلها رحلة على برنامج uber من عندي لأن البرنامج عندها مش شغال، فقومت بعمل طلب رحلة من عندي لحد مكان الفرح بالشيخ زايد، وبعدما اخترت أحسن سائق وعملت موافقة، وبعدين جالي رسالة من السائق على البرنامج بيسأل إن حساب الرحله كاش ولا فيزا وأنا رديت عليه وقولتله إنها فيزا، ورديت عليه وقولتلوا انت ليه بتسال ورد عليا وبعتلي رقم أكلمه وقالي كلميني عليه، فاتصلت بالرقم ده ولقيت واحدة ست ردت عليا، فأنا اتخضيت لإن لقيت واحدة ست ردت فقولتلها آسفة وقفلت.
وأضافت شقيقة فتاة التجمع ضحية سائق أوبر في أقوالها أمام جهات التحقيق: بعدها بدقيقة لقيت رسالة جاية على البرنامج في نفس الشات “لقد وصلت” فقولت لأختي نبيلة انزلي هتلاقي عربية هيونداي النترا واقفة تحت، وبعدما أختي مشيت بحوالي 5 دقائق كلمتني قالتلي إلغي الرحلة وذلك بناء على طلب السائق اللي كانت أختي معاه في العربية، فأخبرتها برفضي حفاظًا على سلامتها وتتبع خط سير الرحلة، عقب ذلك تلقيت اتصالا تليفونيا يخبرني بوصوله أخبرته بأن أختي بالفعل مع سائق أوبر فقام بالرد عليا ركبت طيب خلاص وقفل وعقب ذلك تلقيت اتصالا هاتفيا من رقم آخر يخبرني أيضا إنه من شركة أوبر، وأخبرني بوصوله لمكان بدء الرحلة، فرديت عليه قولتله إنها أختي ركبت مع سائق آخر ومشيت.
وتابعت شقيقة نبيلة فتاة التجمع: عقب ذلك قمت بفتح برنامج uber حتى أتمكن من متابعة سير الرحلة، فتبين لي أن الرحله قد ألغيت ودخلت في حالة انهيار وحسيت إن أختي اتخطفت، وعقب ذلك قمت بالاتصال بشقيقتي كثيرًا ولم تقم بالرد، وبعد كده لقيت مكالمة من تليفون أختي فرديت عليها ولقيت رجل اللي بيتكلم مش أختي فقعدت أزعق وأقوله فين أختي، فقالي إهدي لقيت أختك في الصحراء متغطية ببطانية فقولتلوا إنت مين فقالي إنه هو وصاحبة شافوها وعاوزين يوصلوها ليا، فقولتلهم أنا عاوزة أسمع صوت أختي أتطمن عليها، فقالولي إنها مش قادرة تتكلم فافتكرت إنها ماتت ومش عاوزين يقولوا، وبعد كده قعدوا يقولوا إهدي إحنا هنجيبهالك دلوقتي فقولتلهم يقابلوني عند down town التجمع الخامس وروحنا البيت وغيرت هدومها وغسلت وشها علشان كان مليان دم هو وهدومها علشان قالت ها روح القسم الأول أعمل محضر، وبعدين قولتلها وإحنا في الطريق لازم نروح المستشفى الأول علشان إيدك بتنزف، وتعمل تقرير طبي بالإصابات الثانية اللي في جسمك.
وأضافت سالي شقيقة فتاة التجمع ضحية سائق أوبر المتهم: رحنا المستشفى الجوي في التجمع الخامس ولقوا إن في جرح عميق في صباعها الأيمن، ومكانش في غرف بالمستشفى إنها تعمل عملية هناك، وبعدين الشرطة كانت جت وعملت محضر باللي حصل وأخدوا عليها تعهد إنها تروح النيابة لو طلبوها، وبعدها رحنا على المركز الطبي العالمي اللي على طريق السويس عند الشروق ودخلت والدكتور كشف عليها وخيط إيديها وفضلنا في المستشفى بتاعت المركز الطبي العالمي لحد الساعة 5 صباحًا، وبعد كده روحنا البيت عندي في التجمع وبعدين شوفنا الكاميرات اللي في الكمبواند وعرفنا إن العربية اللي أخدت أختي مش هيه اللى طلبتها على برنامج uber وإنها جت بعد ما إختي مشيت بحوالي 55 دقيقة وبيكلم الأمن وبيقولهم ان مفيش حد معاه في العربية وإنه دخل وخرج فاضي وعرفنا كده من الأمن وبعدين جينا النيابة النهارده.
