زوج ضحية حادث العبور يروي تفاصيل دهسها: كانت خارجة من الشغل بدري والأتوبيس عجنها | بث مباشر - بوراق نيوز

شهدت منطقة العبور واقعة دهس أتوبيس لعدد من السيارات ما أدى إلى تحطم وتهشم سيارة ملاكي كان بداخلها سيدة، ولقيت مصرعها في الحال.

وكشف زوج المجني عليها تفاصيل الواقعة، حيث قال: كانت خارجة من الشغل بدري نصف ساعة، وكانت رايحة هناك علشان تجيب بنتنا من الحضانة، لكن الأتوبيس جه بكل قوته وخد العربية وعجنها وسط العربية التانية اللي كانت بتركن، وعمود النور هو اللي وقف الأتوبيس.

وأشار زوج المجني عليها إلى أن سرعة الأتوبيس كانت كبيرة جدا، وأنها كانت سرعة غير مسموح بها، مضيفا: كانت واقفة على اليمين خالص على الرصيف والأتوبيس هو اللي دخل فيها.

واستكمل الزوج أنه في صدمة منذ وقوع الحادث، وأن آخر كلمات كانت بينهما هي محادثة واتساب كانت تخبره فيها أنها تحضر له مفاجأة في الغداء الخاص باليوم، مضيفا: كانت بتقولي متتأخرش علشان محضرالك اختراعات في أكل النهارده.

وأشار زوج المجني عليها إلى أنهما متزوجان منذ عام ونصف، ولديهما طفلة تبلغ من العمر 11 شهرا.