نور التوت: قناتنا مدخلة مليار و80 مليون جنيه وهحاسب حمو بيكا بالقانون - بوراق نيوز

الثلاثاء 11/يونيو/2024 - 12:06 ص

كشف مؤدي المهرجانات نور التوت تفاصيل أرباح قناة اليوتيوب الخاصة به هو ومؤدي المهرجانات حمو بيكا وفرقتهما المشتركة، والتي تضم عمر كمال وحسن شاكوش، وأوضح أن حمو بيكا ليس له أي صفة قانونية أو توكيل كي يستولي على الأرباح.

 نور التوت يكشف تفاصيل جديدة حول أزمته مع حمو بيكا

وقال مؤدي المهرجانات نور التوت في تصريحات تليفزيونية: قناتنا مدخلة مليار و80 مليون جنيه وحمو بيكا سرق مني 9 مليون جنيه ونص، وهو وكيل الفرقة الموسيقية بتاعتنا أنا وحسن شاكوش وعمر كمال أمام الشركات بدون أي تفويض رسمي مني أو من أي أحد من أعضاء الفرقة، وكان بياخد إيرادات بالدولار ويقبضنا بالمصري وآخر حاجة كنت أتخيلها إن حمو بيكا يعملي محضر، وأنا هحاسبه بالقانون اللي كان زمان بيقول عليا ده ابني.

وأضاف نور التوت: كنا بنروح الحفلات ونلف بلاد الوطن العربي كله أنا وحمو بيكا من غير ما أبقى عارف إيراد الحفلة كام، وكان يتعاقد على الحفلة برة بالدولار وننزل مصر يدينا ملاليم، وأنا مش هسيب حقي مهما حصل عشان ربنا هيحاسبني عليه، وهيسألني عنه في الآخرة، وكنت مدي الأمان لحمو بيكا عشان هو اللي مربيني بعد أبويا واكتشفت موضوع الأرباح ده بالصدفة بعد ما غير اللي ماسكلي السوشيال ميديا بتاعتي ودخل على قناة اليوتيوب وقالي على كمية الأرباح.

تفاصيل أزمة حمو بيكا ونور التوت

ومن الجدير بالذكر أنه سبق وأن كشف محامي حمو بيكا، لـ القاهرة 24، تفاصيل أزمة حمو بيكا ونور التوت، موضحًا أن بداية الأزمة عندما نشر نور التوت، مقطع فيديو عبر حسابه الشخصي بموقع التواصل الاجتماعي فيسبوك، يزعم فيه استيلاء حمو بيكا مبلغ 200 ألف دولار من قناة اليوتيوب قائلًا: حمو بيكا فوجئ بـ نور التوت نزل فيديوهات على صفحته بفيسبوك، بيقول أن حمو بيكا سرقه في 200 ألف دولار، طبعًا سرقة هو بيقول إن حمو خدهم من قناة مزيكا بسبب الأغاني، والكلام ده طبعًا مالوش أي أساس من الصحة.

وأردف محامي حمو بيكا: وروحنا بالليل قسم العجوزة وعملنا محضر بالواقعة إنه سب وقذف وتشهير بغرض الابتزاز، نور حذف الفيديوهات ولكن تم إرفاقها في فلاشة مع البلاغ وجاري اتخاذ اللازم.