زوجة في دعوى خلع: تحديت أهلي واتجوزته وطلع مدمن وشوفت أسوأ أيام حياتي - بوراق نيوز

الجمعة 05/يوليو/2024 - 04:16 ص

أقدمت سيدة على رفع دعوى خلع ضد زوجها، بمحكمة الأسرة بعد زواج دام لسنوات عن حب كبيرة وتزوجته دون رضا أسرتها وأنجبت منه ابنا وفتاة بسبب إدمانه للمواد المخدرة.

محكمة الأسرة 

وقالت الزوجة أمام محكمة الأسرة: كنا في قصة حب كبيرة وكانوا أهلي مش موافقين عليه بس اتحديتهم واتجوزته ومسمعتش كلام حد وخلفت منه ولد وبنت.

وتابعت الزوجة: فجأه شوفته قدامي مدمن مواد مخدرة وكل يوم يضربني ويعتدي عليا ويشتمني وعشت أسوأ أيام حياتي.

وأردفت الزوجة: قررت إني أنهي الجواز ورفض يطلقني فرفعت قضية خلع عشان أخلص من الحياه دي لأني كنت خايفة على نفسي وعلى ولادي منه.

وقامت المحامية هناء عطا دفاع الزوجة برفع دعوى خلع على الزوج وحكمت المحكمة بالخلع.

من جهة أخرى، أقدمت سيدة على رفع دعوى نفقة ضد زوجها بمحكمة الأسرة، بعد زواج دام لسنوات أنجبت خلاله 3 أولاد، بسبب بخل زوجها وإجبارها على الحديث مع أشخاص آخرين، قائلة: زوجي بخيل وبيجبرني أكلم رجالة عشان يحولولي فلوس.

وقالت الزوجة: كنت بتكلم في جروب بيجمع رجالة وستات على أحد البرامج وكنا بنرغي مع بعض وكل واحد بيقول مشكلته مع زوجته أو زوجها وكنت بحكيلهم إن زوجي بخيل عليا ووحش معايا وكانوا بيبعتولي عملات كنت بحولها لفلوس واستلمها.

وتابعت الزوجة: بعد فترة جوزي شافني مجمعة فلوس كتير من الرجالة دي والبرنامج وبقيت ميسورة الحال فطلب مني إني أقعد على الأبليكيشن فترة أطول وأكلم الناس أحكيلهم مشاكلي عشان يبعتولي فلوس أكتر مع العلم إن زوجي مرتاح ماديًا ولكن بخيل.

وأردفت الزوجة: كنت في الفترة دي مبقتش عايزة أعمل أي حاجة حرام وعايزة أبطل الموضوع ده ولكن كان بيجبرني إني افتح وأكلم الناس ومن هنا قررت أرفع دعوى نفقة وأبعد عنه.

وقامت المحامية هالة مكرم دفاع الزوجة سماح برفع دعوى نفقة على الزوج عماد وحكمت محكمة الأسرة للزوجة بـ1400 جنيه شهريًا.