أخطاء شائعة في التعامل مع لحوم الأضاحي.. لازم تعرفها لو هتضحي - بوراق نيوز

كشف أحد الجزارين عن أخطاء شائعة في التعامل مع لحوم الأضاحي، وذلك مع استعداد الكثيرين لشراء الأضاحي؛ احتفالًا بعيد الأضحى المبارك المقرر حلوله في تاريخ 16 يونيو المقبل.

فشرح “أحمد الحربي”، أحد أشهر الجزارين في محافظة بورسعيد، أفضل طريقة لحفظ اللحوم بعد ذبح الأضاحي؛ حتى لا تتعرض للتلف سريعًا أو تتغير رائحتها ولونها نتيجة الارتفاع الكبير في درجات الحرارة.

طريقة التعامل مع لحوم الأضاحي وحفظها

فكتب “الحربي”، في منشور عبر صفحته على موقع التواصل الاجتماعي “فيسبوك”، قائلًا: “الناس اللي هتضحي السنادي تاخد بالها من اللحمة.. متغلفش اللحمة وهي سخنة، لازم اللحمة تبرد عشان متغيرش ريحتها ولا لونها”.

وتابع: “وأهم من كل ده بقي إن الجزار يكون عنده رحمه إن السكينة بتاعته تذبح من مرة واحدة؛ لأن بجد في ناس معدومين الرحمة أو بياخدها كشغل للعيد بس، وهو مبيفهمش أي حاجه في حياته.. دي حاجة بتاعت ربنا يعني نهتم بيها أكتر من الحاجة بتاعتنا”.

كما نصح بعدم استخدام الماء نهائيًا عند ذبح الأضحية وتقطيع لحومها، واستخدام “فوطة” أو قطعة نظيفة من القماش “مبللة بالمياه” بدلًا من استخدام الماء؛ لمسح اللحم، موضحًا أن كثرة استخدام الماء يفسد اللحم في ظل ارتفاع درجات الحرارة.

وأضاف الجزار: “لازم اللحمة تتعلق ساعة أو ساعتين على الأقل علشان تتشمع”، مستكملًا: “أهم حاجه بقي منحطش اللحمة في الفريزر وهي سخنة علشان ريحتها هتتغير ولونها كمان هيتغير وهتبوظ خدوا بالكم”.